कागल -हातकणंगले पंचतारांकित औद्योगिक क्षेत्रामधील उद्योजक व कामगार बंधूंना लागणार्या मूलभूत विविध सोई सुविधा उपलब्ध व्हाव्यात या हेतूने मॅक च्या वतीने महाराष्ट्र औद्योगिक विकास महामंडळाकडे मागणी केलेल्या विविध कामांना मा.ना.श्री. उदयजी सामंत साहेब, उद्योगमंत्री, महाराष्ट्र राज्य यांनी त्वरीत मंजूरी दिली असून त्यामधील काही कामांची सुरुवात देखील कागल -हातकणंगले पंचतारांकित औद्योगिक क्षेत्रामध्ये झालेली आहे.
सदर कागल -हातकणंगले पंचतारांकित औद्योगिक क्षेत्रामध्ये मंजूर केलेल्या एकूण जवळपास ७९ कोटी १६ लाख रुपये कामाच्या अनुषंगाने मॅन्यूफॅक्चरर्स असोसिएशन ऑफ कागल -हातकणंगले (मॅक) च्या वतीने मा.ना.श्री. उदयजी सामंत साहेब, उद्योगमंत्री, महाराष्ट्र राज्य यांचा जाहीर सत्कार मॅकचे पदाधिकारी, संचालक व मान्यवर उद्योजक यांच्या हस्ते हॉटेल पॅव्हेलियन येथे दिनांक ०८/०४/२०२४ रोजी झालेल्या कृतज्ञता सोहळाच्या बैठकीत करण्यात आला.
सदर बैठकीत मॅक चे अध्यक्ष हरिश्चंद्र धोत्रे साहेब यांनी कोल्हापूर जिल्हातील सर्व औद्योगिक क्षेत्रात मा.ना.श्री. उदयजी सामंत साहेब यांनी मंजूर केलेल्या कामांची माहिती उपस्थित मान्यवर उद्योजक यांना दिली तसेच सदया उद्योजकांना भेडसावत असणाऱ्या समस्यामध्ये उदा. वाढीव विदूत पुरवठा तसेच नवीन कनेक्शन उपलब्ध त्वरीत करून देणे, जीएसटी कर रद्द करणे, दुहेरी कर रद्द करणे, गोकुळ शिरगाव हालसवडे ते कागल -हातकणंगले पंचतारांकित औद्योगिक क्षेत्र रस्ता करणे, उर्वरित औद्योगिक क्षेत्रात एलईडी बसविणे, पोलीस चौकी व स्टाफ लवकरात लवकर करणे व कोल्हापूर ला नवीन इंजिनिअरिंग मोठा उद्योग आणणे इत्यादी विषयांच्या मागण्या मा.ना.श्री. उदयजी सामंत साहेब, यांच्या समोर मॅक च्या वतीने मांडण्यात आल्या.
तद्नंतर मा. खासदार श्री. धनंजय महाडीक साहेब, यांनी कोल्हापूर येथील ईएसआय हॉस्पिटल व विमानतळ उभारणी करिता विशेष प्रयत्न केल्याबद्दल सर्व औद्योगिक संघटनांच्या वतीने आभार व्यक्त केले व मॅक च्या वतीने मॅकचे पदाधिकारी, संचालक व मान्यवर उद्योजक यांच्या हस्ते जाहीर सत्कार करण्यात आला.
मा. खासदार श्री. संजयजी मंडलिक साहेब, यांनी कोल्हापूर येथील ईएसआय हॉस्पिटल अद्यावत असे सुरू करणेकरिता तसेच कोल्हापूर येथील औद्योगिक क्षेत्रात कामगार व त्यांच्या कुटुंबातील सदस्यांना त्वरीत आरोग्य सेवा उपलब्ध व्हावी या हेतूने सर्व औद्योगिक क्षेत्रात सेवा दवाखाने सुरू करणे करिता विशेष मोलाचे सहकार्य केल्याबद्दल सर्व औद्योगिक संघटनांच्या वतीने आभार व्यक्त केले व मा. खासदार श्री. संजयजी मंडलिक साहेब यांचे चिरंजीव विरेंद्र मंडलिक साहेब यांचा मॅक च्या वतीने मॅकचे पदाधिकारी, संचालक व मान्यवर उद्योजक यांच्या हस्ते जाहीर सत्कार करण्यात आला.
तद्नंतर मा.ना.श्री. उदयजी सामंत साहेब यांच्या हस्ते नूतन पदाधिकारी म्हणून निवड झाल्याबद्दल सीआयआय चे अध्यक्ष अजय सप्रे, उपाध्यक्ष सारंग जाधव, केईए अध्यक्ष बाबासो कोंडेकर, उपाध्यक्ष व खजानिस कमलकांत कुलकर्णी, गोशिमा फौंड्री क्लस्टरचे अध्यक्ष दिपक चोरगे आदी मान्यवर उद्योजकांचा सत्कार करण्यात आला.
मा.ना.श्री.उदयजी सामंत साहेब यांनी आपल्या मनोगतामध्ये सांगितले की, कोल्हापूर जिल्हातील उद्योजकांच्या उद्योगाशी निगडीत असणार्या मागण्या पुर्ण करणेकरिता नेहमीच सहकार्य करू असे नमदू केले.
कोल्हापूर जिल्हातील औद्योगिक क्षेत्राच्या विकास कामासाठी एकूण १५६.७५ कोटी रुपयांची कामे मंजूर केली असून ती प्रगतीपथावर असलेचे नमूद केले. कागल -हातकणंगले पंचतारांकित औद्योगिक क्षेत्रामध्ये मंजूर केलेल्या एकूण जवळपास ७९ कोटी १६ लाख रुपये कामाच्या अनुषंगाने मॅकच्या वतीने माझा विशेष सत्कार केल्याबद्दल मॅक चे विशेष आभार व्यक्त केले व उर्वरित प्रलंबित राहिलेली कामे देखील लवकरच मंजूर करून ती पुर्ण करू अशी ग्वाही मा.ना.श्री.उदयजी सामंत साहेब यांनी दिली.
सदर कार्यक्रमाच्या अनुषंगाने मा. खासदार श्री. धनंजय महाडीक साहेब, महाराष्ट्र चेंबर ऑफ कॉमर्स चे अध्यक्ष श्री. ललित गांधी साहेब यांनी आपले मनोगत व्यक्त केले.
सदर कार्यक्रमास मा.ना.श्री.उदयजी सामंत साहेब, मा. खासदार श्री. धनंजय महाडीक साहेब, श्री. विरेंद्र मंडलिक साहेब, श्री. मुरलीधर जाधव साहेब, महाराष्ट्र चेंबर ऑफ कॉमर्सचे अध्यक्ष श्री. ललित गांधी, मॅक,चेंबर ऑफ कॉमर्स, केईए, स्मक, गोशिमा, सीआयआय, कोल्हापूर उद्यम सोसायटी, आयटी असोसिएशन व इतर औद्योगिक संघटनांचे पदाधिकारी, संचालक व मान्यवर उद्योजक मोठ्या संखेने उपस्थित होते.
सदर कार्यक्रमाचे सूत्र संचालन गोशिमाचे माजी अध्यक्ष व संचालक मोहन पंडितराव यांनी केले व आभार प्रदर्शन चेंबर ऑफ कॉमर्स चे संचालक व मॅक चे निमंत्रित सदस्य विद्यानंद मुंढे यांनी मानले.
कळावे,
हरिश्चंद्र धोत्रे, अध्यक्ष
मोहन कुशिरे, उपाध्यक्ष
विठ्ठल पाटील, ऑन. सेक्रेटरी
सुरेश क्षीरसागर, ऑन. ट्रेझरर, मॅक
