🌱🌱 *मोर्या ग्रुप ऑफ इंडस्ट्रीज च्या पुढाकाराने १००० रोपांचे वृक्षारोपण संपन्न 🌱🌱

कागल- हातकणंगले पंचतारांकित औद्योगिक क्षेत्रामध्ये जागतिक पर्यावरण दिनाचे औचित्य साधून व सामाजिक बांधिलकी जतन करीत मोर्या ग्रुप ऑफ इंडस्ट्रीज च्या पुढाकाराने लक्ष्मी टेकडी ते मॅक चौक या मुख्य रस्त्याच्या दुतर्फा वृक्षारोपण करणेचा उपक्रम हाती घेतला असून शनिवार दिनांक २९/०६/२०२४ रोजी मॅक चौक ते मेनन अल्कोप कंपनी मुख्य रस्त्यालगत मा.श्री. एस.व्ही.अपराज साहेब, उप अभियंता, मऔवि महामंडळ, मा. श्री. मंगेश पाटील साहेब, चेअरमन व मॅनेजिंग डायरेक्टर, मोर्या ग्रुप ऑफ इंडस्ट्रीज, श्री. अविनाश पाटील, सीईओ, मॅक चे माजी अध्यक्ष व संचालक संजय पेंडसे, ऑन. ट्रेझरर सुरेश क्षीरसागर, संचालक यशवंत पाटील, मुबारक शेख, अमृतराव यादव, स्विकृत संचालक शिवाजीराव भोसले, निमंत्रित सदस्य बाळासाहेब धुळूगडे यांच्या शुभहस्ते व मोर्या ग्रुप ऑफ इंडस्ट्रीज चे इतर अधिकारी व कर्मचारी वर्ग यांच्या प्रमुख उपस्थितीत मुख्य रस्त्याच्या दुतर्फा १००० रोपांचे वृक्षारोपण करण्यात आले.

सदर वृक्षारोपण कार्यक्रम प्रसंगी मॅक चे माजी अध्यक्ष व संचालक संजय पेंडसे यांनी  आपल्या मनोगतामध्ये सांगितले की, मा. श्री. मंगेश पाटील साहेब यांनी मोर्या ग्रुप ऑफ इंडस्ट्रीजच्या माध्यमातून व सामाजिक बांधिलकी च्या भावनेने पंचतारांकित औद्योगिक क्षेत्रामध्ये वृक्षारोपण करणेचा मानस हाती घेतला असून सदर उपक्रम अतिशय स्तुत्य असून निसर्गाचा समतोल राखण्यासाठी व पंचतारांकित औद्योगिक क्षेत्र हरितमय बनविण्यासाठी मोलाचे योगदान देत असल्याबद्दल मॅन्युफॅक्चरर्स असोसिएशन ऑफ कागल-हातकणंगले (मॅक), मऔवि महामंडळ व  पंचतारांकित औद्योगिक क्षेत्रामधील मान्यवर उद्योजक यांच्या वतीने श्री. मंगेश पाटील साहेब व मोर्या ग्रुप ऑफ इंडस्ट्रीजच्या च्या सर्व मान्यवर  अधिकारी व कर्मचारी वर्ग यांचे विशेष आभार व्यक्त केले सदर उपक्रमास मॅक च्या वतीने शुभेच्छा दिल्या.

तद्नंतर मा.श्री.एस.व्ही.अपराज साहेब, उप अभियंता, मऔवि महामंडळ यांनी आपल्या मनोगतामध्ये नमूद केले की, मा. श्री. मंगेश पाटील साहेब व मोर्या ग्रुप ऑफ इंडस्ट्रीज ही सामाजिक उपक्रमामध्ये नेहमीच पुढाकार घेत असून आजच्या १००० रोपाचे वृक्षारोपण करिता सक्रिय सहभाग घेवून ती आज पूर्ण केली आहेत याचा अभिमान आहे.

सदर वृक्षारोपण केलेल्या रोपांना पाणी पुरवठा करणेचे काम मऔवि महामंडळ कार्यालयाच्या माध्यमातून केले जाईल अशी ग्वाही त्यांनी दिली व सर्वांचे आभार व्यक्त केले.

मोर्या ग्रुप ऑफ इंडस्ट्रीज चे चेअरमन व मॅनेजिंग डायरेक्टर मा. श्री. मंगेश पाटील साहेब यांनी मॅन्युफॅक्चरर्स असोसिएशन ऑफ कागल-हातकणंगले (मॅक), मऔवि महामंडळ कार्यालय तसेच मा.श्री.एस.व्ही.अपराज साहेब यांचे नेहमीच मोर्या ग्रुप ऑफ इंडस्ट्रीजला सहकार्य लाभलेले आहे व लाभत आहे त्याबद्दल सर्वांचे आभार व्यक्त केले.

मोर्या ग्रुप ऑफ इंडस्ट्रीज नेहमीच सामाजिक उपक्रमात सक्रिय सहभाग घेत असते त्याचाच एक भाग म्हणून १००० रोपाचे वृक्षारोपण करणेचा उपक्रम आम्ही हाती घेतला असून तो आज आम्ही पूर्ण केलेचे नमूद केले.  

सदर रोपांचे संगोपन हे मोर्या ग्रुप ऑफ इंडस्ट्रीजच्या माध्यमातून केले जाईल व निसर्गाचा समतोल राखण्यासाठी व पंचतारांकित औद्योगिक क्षेत्र हरितमय बनविण्यासाठी नेहमीच मोर्या ग्रुप ऑफ इंडस्ट्रीज अग्रेसर असेल असे नमूद केले.

सदर वृक्षारोपण कार्यक्रमास मा.श्री. एस.व्ही.अपराज साहेब, उप अभियंता, मऔवि महामंडळ, मा. श्री. मंगेश पाटील साहेब, चेअरमन व मॅनेजिंग डायरेक्टर, मोर्या ग्रुप ऑफ इंडस्ट्रीज, श्री. अविनाश पाटील, सीईओ, मॅक चे माजी अध्यक्ष व संचालक संजय पेंडसे, ऑन. ट्रेझरर सुरेश क्षीरसागर, संचालक यशवंत पाटील, मुबारक शेख, अमृतराव यादव, स्विकृत संचालक शिवाजीराव भोसले, निमंत्रित सदस्य बाळासाहेब धुळूगडे मोर्या ग्रुप ऑफ इंडस्ट्रीज चे इतर अधिकारी व कर्मचारी वर्ग मोठया संखेने उपस्थित होते.