महोदय, नूतन मुख्य कार्यकारी अधिकारी मा.श्री. पी.वेलरासू साहेब, व उप मुख्य कार्यकारी अधिकारी मा. श्री. शिवाजी पाटील साहेब, मऔवि महामंडळ उद्योगसारथी,मुंबई येथे काल बुधवार दिनांक ०४/०९/२०२४ रोजी मॅक चे अध्यक्ष हरिश्चंद्र धोत्रे, उपाध्यक्ष मोहन कुशिरे यांनी भेट घेतली.
सर्व प्रथम नूतन मुख्य कार्यकारी अधिकारी मा.श्री. पी.वेलरासू साहेब यांचा मॅक च्या वतीने बुके देवून स्वागतपर सत्कार करण्यात आला व पंचतारांकित औद्योगिक क्षेत्रातील उद्योजकांच्या विविध समस्या बाबत निवेदन देण्यात आले व सविस्तर चर्चा केली आणि सदर विषय सोडविण्यासाठी विनंती केली.
1. विदूत पुरवठा मिळणेकरिता इन्फ्रास्ट्रक्चर करणे
2. एलईडी स्ट्रीट लाईट बसविणे
3. जीएसटी कर वसूली रद्द करणे
4. Red व Orange Categories मधील उद्योगांना लावणेत येत असलेला पर्यावरण संरक्षण सेवाशुल्क रद्द करणे
5. गोकूळ शिरगाव ते कागल-हातकणंगले पंचतारांकित ओद्योगिक क्षेत्रास जोडणारा ५०० मिटरचा रस्ता करणे
संस्थेच्या माध्यमातून आपण सर्वजण करीत असलेले काम कौतुकास्पद असून सदर कागल-हातकणंगले पंचतारांकित औद्योगिक वसाहतीमधील मांडण्यात आलेल्या समस्या नक्कीच लवकरात लवकर सोडवू अशी ग्वाही नूतन मुख्य कार्यकारी अधिकारी मा.श्री. पी.वेलरासू साहेब व उप मुख्य कार्यकारी अधिकारी मा. श्री. शिवाजी पाटील साहेब यांनी दिली.
तसेच सदर वरील विषयाबाबत संबंधित अधिकारी व असोसिएशन पदाधिकारी यांची एकत्रितपणे लवकरच बैठक घेवून सदर विषय सोडविणेबाबत निर्णय घेवू असे सुचित केले.
सदर बैठकीस मा.श्री. पी.वेलरासू साहेब व उप मुख्य कार्यकारी अधिकारी मा. श्री. शिवाजी पाटील साहेब, नूतन प्रादेशिक अधिकारी उमेश बी देशमुख साहेब, मॅक चे अध्यक्ष हरिश्चंद्र धोत्रे, उपाध्यक्ष मोहन कुशिरे, इलेक्ट्रिक कॉन्ट्रॅक्टर रघुनाथ खन्नूरकर व सेक्रेटरी शंतनू गायकवाड उपस्थित होते.
