दिनांक २ ऑक्टोंबर २०२४ रोजी राष्ट्रपिता महात्मा गांधी यांच्या जयंतीचे औचित्य साधून मॅन्युफॅक्चरर्स असोसिएशन ऑफ कागल-हातकणंगले(मॅक) पदाधिकारी, महाराष्ट्र औद्योगिक विकास महामंडळ पदाधिकारी, प्रदुषण नियंत्रक मंडळ पदाधिकारी व मान्यवर उद्योजक कामगार बंधू भगिनींच्या सहकार्याने कागल-हातकणंगले पंचतारांकित औद्योगिक वसाहतीमध्ये आज शनिवार दिनांक ५ ऑक्टोंबर २०२४ रोजी स्वच्छता अभियान मोहीम राबविण्यात आली.
मा. श्री.हरिश्चंद्र धोत्रे- अध्यक्ष- मॅक
शासनाच्या स्वच्छ भारत मिशनच्या अनुषंगाने पर्यावरणाचा समतोल राखण्यासाठी व परिसर स्वच्छ, सुंदर व निसर्गमय बनविणे करिता कोल्हापूर मधील सर्व औद्योगिक वसाहतीमध्ये आपण स्वच्छता अभियान मोहीम राबवून एक आदर्श निर्माण केला असून उदयोजक व कामगार बंधू भगिनींच्या आरोग्याच्या दृष्टीने अतिशय उत्कृष्ट असे काम करीत असलेचे मॅक चे अध्यक्ष हरिश्चंद्र धोत्रे साहेब यांनी नमूद केले. लोकांच्या मध्ये जागृता निर्माण झाली असून आपल्या आसपासचा परिसर स्वच्छ, सुंदर व निसर्गमय बनविणे करिता एकत्रिपपणे काम करीत आहेत याचा आपल्या सर्वांनाचा अभिमान आहे. क्लीन अँड ग्रीन औद्योगिक वसाहत बनविणेकरिता आम्हास मान्यवर उद्योजक, कामगार बंधू-भगिनी व सर्व शासकीय अधिकारी वर्ग व त्यांचे सहकारी यांचे मोलाचे सहकार्य संस्थेस लाभत असलेचे नमूद केले व सर्वांचे आभार व्यक्त केले.
मा. श्री. प्रमोद माने – उप कार्यकारी अधिकारी, मप्रनि महामंडळ, कोल्हापूर
औद्योगिक क्षेत्राचा परिसर स्वच्छ, सुंदर व निसर्गमय बनविण्यासाठी येथील उद्योजक, कामगार व शासकीय अधिकारी वर्ग सतत प्रयत्न करीत आहेत. त्याचाच एक भाग म्हणून आज आपण याठिकाणी राष्ट्रपिता महात्मा गांधी यांच्या जयंतीचे औचित्य साधून औद्योगिक वसाहतीमध्ये स्वच्छता अभियान मोहीम राबवून सर्वांच्या आरोग्याच्या व निसर्गाच्या दृष्टीने चांगले काम करीत असलेचे नमूद केले. आपण नक्कीच जनहिताचे काम करीत असून पर्यावरणाचा समतोल राखण्याचा प्रयत्न करीत असलेचे नमूद केले व सहकार्याबदल सर्वांचे आभार व्यक्त केले.
मा. श्री. इराप्पा नाईक – कार्यकारी अभियंता, मऔवि महामंडळ, कोल्हापूर
राष्ट्रपिता महात्मा गांधी यांच्या जयंतीचे औचित्य साधून आपण सर्व औद्योगिक वसाहतीमध्ये स्वच्छता अभियान मोहीम राबवून एक आदर्श निर्माण केला आहे याचे खरच कौतुक आहे. औद्योगिक क्षेत्रात मोठया प्रमाणात मान्यवर उद्योजकांच्या सहकार्याने आपण वृक्षारोपण करत आहोत त्याचा उपयोग आपल्याला पर्यावरणाचा समतोल राखण्यासाठी नक्कीच होत असलेचे दिसून येत असलेचे मा.श्री. इराप्पा नाईक साहेब यांनी नमूद केले. प्लॅस्टिक कचरा कमी करण्यासाठी आपण नक्कीच उपाय योजना राबविण्यासाठी प्रयत्न करूया असू नमदू केले. सर्व औद्योगिक वसाहतीमध्ये स्वच्छता अभियान मोहीम यशस्वी करणे करिता मोलाचे सहकार्य केल्याबद्दल सर्वांचे आभार व्यक्त केले.
मा. श्री. उमेश देशमुख – प्रादेशिक अधिकारी, मऔवि महामंडळ, कोल्हापूर
शासनाच्या स्वच्छ भारत मिशनच्या अनुषंगाने स्वच्छता अभियान मोहिम औद्योगिक वसाहतीमध्ये राबविण्यासाठी मॅक चे पदाधिकारी, मान्यवर उद्योजक कामगार बंधू-भगिनी यांनी मोलाचे सहकार्य करीत असलेबद्दल मऔवि महामंडळ कार्यालयाच्या वतीने प्रथमत: आभार व्यक्त केले. उद्योजक आपल्या कंपनीचा जसा परिसर स्वच्छ व सुंदर ठेवत असतात त्याच प्रमाणे आपल्या आसपासचा देखील परिसर स्वच्छ ठेवणे करिता प्रयत्न करावेत व एक आदर्श औद्योगिक वसाहत बनविण्यासाठी सहकार्य करावेत अशी विनंती केली.
राष्ट्रपिता महात्मा गांधी- प्रतिमा पूजन
राष्ट्रपिता महात्मा गांधी यांच्या जयंतीचे औचित्य साधून मॅक येथे मा.श्री. उमेश देशमुख साहेब, प्रादेशिक अधिकारी, मा.श्री.इराप्पा नाईक साहेब, कार्यकारी अभियंता, मऔवि महामंडळ, श्री. प्रमोद माने,उप कार्यकारी अधिकारी, मप्रनि महामंडळ, मॅक चे अध्यक्ष हरिश्चंद्र धोत्रे, उपाध्यक्ष मोहन कुशिरे, ऑन.सेक्रेटरी विटठ्ल पाटील, संचालक यशवंत पाटील, अमृतराव यादव, निमंत्रित सदस्य बाळासाहेब धुळूगडे, मॅक चे इतर मान्यवर पदाधिकारी, मऔवि व मप्रनि महामंडळ अधिकारी मान्यवर उद्योजक यांचे उपस्थितीत राष्ट्रपिता महात्मा गांधी यांच्या प्रतिमेचे पूजन करून अभिवादन करण्यात आले.
सदर कार्यक्रमास मॅक चे मान्यवर पदाधिकारी, संचालक, मऔवि व मप्रनि महामंडळ अधिकारी व कर्मचारी वर्ग तसेच मॅक चे मान्यवर सभासद मोठ्या संख्येने उपस्थित होते.
